#culturasegura
Reserva a tua butaca en: extension@uvigo.gal ou no 986 81 36 26 ata as 13:00h. do día da función

A MITEU

Teatro de Ningures organiza xunta a Universidade de Vigo, dentro da programación de Extensión Universitaria, a Mostra Internacional de Teatro Universitario: formación a través de obradoiros de teatro (canteira de novos actores e actrices) e promoción a través das representacións que ano tras ano nos permiten gozar e aprender cos traballos das aulas teatrais das universidades de todo o mundo.

Grupos de teatro universitario de todo o estado, Europa e América pasaron, pasan e seguirán a pasar por esta cita de referencia do Teatro Universitario para presentar as súas últimas producións. Porén, a Mostra é moito máis que unhas simples representacións. Por riba de todo é un punto de encontro e convivencia entre todas as persoas que amamos o teatro, universitarias e non universitarias.

Programación XXIII edición

XOVES 22 DE ABRIL 18.30h | AULA DE TEATRO UNIVERSITARIA DE LUGO

A EMPERADORA

ELENCO

Adrián Valdés, Ángela Oliveira, Julia Lacleta, Lucía Parga, María Rodríguez, Mariña Pena, Martina Gandoy, Michael Pereira.

FICHA ARTÍSTICA E TÉCNICA

  • Escenografía: Bieito Inc & Pía Piadosa
  • Luz e son: A.S.A-SON SLU
  • Vestiario e atrezzo: Carmen Conde
  • Música: A compañía & Eskarnia
  • Autoría e dirección: Carmen Conde

SINOPSE

A vida nunha aldea do rural profundo de Lugo vese alterada pola morte dunha das súas veciñas. Ao longo dun velorio que semella infinito aínda que dure só tres días, achéganse xentes de toda a comarca para darlle a despedida. Lonxe de tratarse dunha persoa especialmente querida, veñen atraídos polos rumores de como vai vestida.

O velorio será toda unha oportunidade de redescubrir á nai, a través das anécdotas que van escoitando da defunta as fillas. Un puzzle colectivo da súa identidade, de quen parece que cada veciño gardaba en segrezo unha peciña. Unha comedia negra baseada en feitos reais que só podería ter acontecido en Galicia.

MÉRCORES 28 DE ABRIL 18.30h | AULA DE TEATRO UNIVERSITARIA DA USC

A CASA DA FORZA 2, 52 – 88

ELENCO

Marta Casais, Inma Fernández, Manuel Fernández, Antía González, Irene Penel

FICHA ARTÍSTICA E TÉCNICA

  • Autoría: Angélica Liddell
  • Posta en escena: Roberto Salgueiro

SINOPSE

“A ti, Que me das a brasa con ese asunto do amor, Que non tes nin un cu bonito nin unhas boas tetas. A ti, que dis que queres morrer pero non te matas. Crereite cando te vexa morta”

Esta peza está centrada nun traballo dramatúrxico das páxinas 52 a 88 do texto de Angélica Liddell “ La casa de la fuerza “, (Ediciones La uÑa RoTa, 2011, Segovia)

MÉRCORES 12 DE MAIO 18.30h | AULA DE TEATRO UNIVERSITARIA DE OURENSE

AÍNDA QUE SIGA BRILLANDO A LÚA

ELENCO

Conchi Pérez, Russo Nnandong, Candela López, Chelo Cortiñas, Silvia Domínguez, Iván Iglesias, Luz Ocampo, Abraham Pérez, Óscar Castromán, Lola Fernández, Claudia Pérez, Nuria Saco, Patricia Gómez.

FICHA ARTÍSTICA E TÉCNICA

  • Iluminación, atrezzo e técnicos en xira: José Manuel Bayón, Rubén Dobaño
  • Vestiario e complementos: Tegra
  • Cartel e programa: Pablo Otero
  • Música: Renata Codda Fons
  • Dramaturxia, escenografía e dirección: Fernando Dacosta

SINOPSE

Marte é un planeta por colonizar desde o punto de vista da Terra. Co que iso supón. Os marcianos queren coidar o seu planeta e non conciben a chegada de seres doutro mundo que poidan cambiar as súas condicións de vida ou, incluso, provocar a súa extinción. Se coñecemos un pouco aos ‘terrícolas’ imaxinaremos que o choque está servido. Pero como será? Cambiar de mundo pode cambiar tamén ao ser humano. Ver a Terra a 60 millóns de kilómetros (ou a máis de 100 dependendo das órbitas) pode facernos reflexionar ou, pola contra, facer que reproduzamos o único que aprendimos: comportarnos como terrestres.

MÉRCORES 19 DE MAIO 18.30h | AULA DE TEATRO UNIVERSITARIA DE VIGO

TIC TAC

ELENCO

Juan Diego Comesaña Lorenzo, Julia Abal Rúa, Rosa María Molares Alonso, Miguel Rodríguez Carretero, Antón Abal Rúa, Laura Alonso Estévez, Cecilia Jiménez López, Belén Verea López de Guereñu.

FICHA ARTÍSTICA E TÉCNICA

  • Autoría: Suso de Toro
  • Dirección: Sonia Rúa e Casilda Alfaro
  • Escenografía : Teatro de Ningures
  • Vestiario: Sonia Rúa
  • Iluminación: Héctor Pazos
  • Cartel e programa: Diego Seixo

SINOPSE

TIC TAC é un pranto amargo onde se van sucedendo as escenas como se fosen as distintas páxinas dunha vida, ao mesmo tempo que ofrece unha visión lúdica e tráxica da nosa existencia, todo a un tempo, o público pode pasar da risa ó pranto.

O Nano volve a súa casa para encontrarse coas pantasmas do seu pasado, da súa infancia, cunha certa nostalxia romántica. Vaise enfrontando a diferentes personaxes que van aparecendo nese espazo da memoria, exemplos das diferentes máscaras que pode adoptar unha nai, un pai, un mestre…

Apdo. 117, 36.940, Cangas, Pontevedra

Compañía asociada a

© Ningures Produción. Todos os dereitos reservados.
Deseño Diego Seixo.